Bakı. Trend:
Azərbaycan və Böyük Britaniya arasında münasibətlər təkcə enerji sektorunda əməkdaşlığa əsaslanmır. Ölkələrimiz arasında əlaqələr mədəniyyət, təhsil və digər sahələrdə də inkişaf edir.
Trend-in məlumatına görə, bunu cümə günü Böyük Britaniyanın Azərbaycandakı səfiri Ceyms Şarp Azərbaycan və Böyük Britaniya arasında diplomatik münasibətlərin qurulmasının 30 illiyi münasibətilə keçirilən tədbirdə deyib.
Səfir əlavə edib ki, ölkəsi işğaldan azad edilmiş ərazilərdə minalardan təmizləmə prosesinə dəstəyini davam etdirir.
Ceyms Şarp iki ölkə arasında əlaqələrin daha da möhkəmlənəcəyinə ümidvar olduğunu bildirib.