...

SOCAR şirkətin adından istifadə edən dələduzlarla bağlı xəbərdarlıq yayıb

İqtisadiyyat Materials 13 May 2022 15:54
SOCAR şirkətin adından istifadə edən dələduzlarla bağlı xəbərdarlıq yayıb

Trend-i buradan izləyin

Bakı. Trend:

SOCAR şirkətin adından istifadə edən dələduzlarla bağlı xəbərdarlıq yayıb.

SOCAR-dan Trend-ə verilən məlumatda qeyd edilir ki, sosial şəbəkələrdə dələduzluqla məşğul olan səhifələrin şirkətə heç bir aidiyyatı yoxdur:

"Son günlər müxtəlif sosial şəbəkələrdə SOCAR adından istifadə edərək, maddi maraq qarşılığında vətəndaşlara işə düzətmə və ya investisiya yatırma imkanları təklif olunur.

Bəyan etmək istəyirik ki, dələduzluqla məşğul olan bu səhifələrin SOCAR-a heç bir aidiyyatı yoxdur, həmçinin şirkət onların verdikləri vədlərə görə heç bir məsuliyyət daşımır.

Vətəndaşları ayıq-sayıqlığı itirməməyə və sözügedən hallarla qarşılaşdıqda dərhal müvafiq hüquq-mühafizə orqanlarına müraciət etməyə çağırırıq.

Qeyd edək ki, SOCAR-da işə qəbul şirkətin müvafiq standartlarına və digər normativ sənədlərinə uyğun olaraq müsabiqə yolu ilə həyata keçirilir.

SOCAR-ın müəssisə və təşkilatları tərəfindən təqdim olunan boş iş yerləri (vakansiyalar) şirkətin veb-saytının (www.socar.az) “Karyera” bölməsinin “İşə qəbul” hissəsində elan olunur.

Müsabiqə qaydaları haqqında ətraflı məlumat həmin bölmədə yerləşdirilib".

Məqalədə:
Xəbər lenti

Xəbər lenti