...

Azərbaycanla Türkiyə arasında ticarət dövriyyəsi 30 faizdən çox artıb

İqtisadiyyat Materials 6 İyul 2022 17:19 (UTC +04:00)
Azərbaycanla Türkiyə arasında ticarət dövriyyəsi 30 faizdən çox artıb
Sədrəddin Ağcayev
Sədrəddin Ağcayev
Bütün xəbərlər

Bakı. Trend:

2022-ci ilin yanvar-may ayları ərzində Azərbaycanla Türkiyə arasında ticarət dövriyyəsinin həcmi 2,45 milyard dollar olub ki, bu da ötən ilin eyni dövrü ilə müqayisədə 31,4 faiz çoxdur

Trend-in məlumatına görə, bunu AZPROMO-nun rəhbəri Yusif Abdullayev deyib.

Onun sözlərinə görə, Azərbaycanın azad edilmiş ərazilərində fəaliyyət göstərmək üçün 1 200-dən çox müraciət daxil olub.

"Bu müraciətlər KOBİA vasitəsilə qəbul edilir. Müraciətlərdən 400-ə yaxını xarici ölkələrə məxsus təşkilatlardır. Onlardan da 100-ü Türkiyə şirkətləridir. İstərdim ki, bu rəqəm daha da artsın. Ölkələrimiz arasında ticarət əlaqələri də durmadan inkişaf edir", - deyə o bildirib.

AZPROMO rəhbəri xatırladıb ki, ötən il Azərbaycan və Türkiyə arasında ticarət dövriyyəsi 12 faiz artaraq 4,7 milyard dollar təşkil edib. Türkiyə şirkətləri bu vaxtadək 300-ə qədər dövlət layihələrində iştirak edib və onun həcmi 17 milyard dollara çatıb.

(Tərcümə: Orxan Nəbiyev)

Məqalədə:
Xəbər lenti

Xəbər lenti