Bakı. Trend:
Son bir neçə ay ərzində Azərbaycan ərazisindən hava və quru yolu ilə yükdaşımalar əhəmiyyətli dərəcədə artıb.
Trend-in məlumatına görə, bunu bu gün ADA Universitetində keçirilən “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda rəqəmsal inkişaf və nəqliyyat naziri Rəhman Hümbətov deyib.
Onun sözlərinə görə, Azərbaycan regional əlaqənin inkişafını hədəfləyir və nəqliyyat-logistika sahəsində bir sıra layihələri reallaşdırmaq niyyətindədir.
"Şimal-Cənub dəhlizi, Trans-Xəzər dəhlizi kimi layihələr artıq reallaşdırılır. Biz tranzit potensialından tam yararlanmaq niyyətindəyik. Bakı-Tbilisi-Ceyhan boru xətti ilə tədarükü 5 milyon tonadək çatdırmaq nəzərdə tutulur", - deyə o bildirib.
Nazir müavini vurğulayıb ki, azad edilmiş ərazilərdə də nəqliyyat sahəsi üzrə layihələr icra olunur, iki hava limanı tikilib, daha biri tikilməkdədir.