...

Dünya əsas iqlim hədəflərinin əldə edilməsi üzrə nəzərdə tutulan planlardan uzaqdır - III Çarlz

İqtisadiyyat Materials 1 Dekabr 2023 16:21 (UTC +04:00)
Dünya əsas iqlim hədəflərinin əldə edilməsi üzrə nəzərdə tutulan planlardan uzaqdır - III Çarlz
Ləman Zeynalova
Ləman Zeynalova
Bütün xəbərlər

Dubay. Trend:

Dünya əsas iqlim hədəflərinin əldə edilməsi üzrə nəzərdə tutulan planlardan əvvəlki kimi uzaqdır.

Trend xəbər verir ki, bunu Böyük Britaniya kralı III Çarlz BMT-nin İqlim Dəyişmələri üzrə Çərçivə Konvensiyasının Tərəflər Konfransının 28-ci sessiyası (COP28) çərçivəsində dünya iqlim fəaliyyəti sammitində çıxışında deyib.

"Müəyyən irəliləyişə baxmayaraq, transformasiya tədbirləri lazımdır, çünki iqlim dəyişikliyi ilə bağlı təhlükələr artıq uzaq risklər deyil", - o deyib.

Kral III Çarlz bu sahədə müsbət dəyişikliklər əldə etməyə çağırıb.

"İlk dəfə COP28 sammitində ölkələr 2015-ci ildə Paris sazişi imzalandığı vaxtdan sonra əldə edilmiş irəliləyişi qlobal səviyyədə qiymətləndirəcəklər. Bütün qəlbimlə dua edirəm ki, COP28 həyəcanlı dönüş məqamlarını izlədiyimiz bir vaxtda əsl transformasiy tədbirləri yolunda həlledici dönüş nöqtələrindən biri olsun. Bütün səylərə baxmayaraq, hazırda atmosferdə əvvəlkindən 30 faiz çox karbon qazı və təqribən 40 faiz daha çox metan qazı var", - o deyib.

Xatırladaq ki, dekabrın 1-də Birləşmiş Ərəb Əmirliklərinin (BƏƏ) Dubay şəhərində BMT-nin İqlim Dəyişmələri üzrə Çərçivə Konvensiyasının Tərəflər Konfransının 28-ci sessiyası (COP28) çərçivəsində dünya iqlim fəaliyyəti sammitinin açılış mərasimi keçirilib.

(Tərcümə: Rəna Əbdürəhmanova)

Xəbərlərimizi "WhatsApp" kanalımızdan oxuyun

Xəbər lenti

Xəbər lenti