Bakı. Trend:
Ötən il Dövlət Neft Fondu (ARDNF) tərəfindən dövlət büdcəsinə 12,8 milyard manat vəsait transfer edilib.
Trend bu barədə Azərbaycan Respublikası Nazirlər Kabinetinin 2024-cü ildə fəaliyyəti haqqında hesabata istinadən xəbər verir.
Məlumata görə, dövlət büdcəsinə transfertdə büdcə proqnozuna tam həcmdə əməl edilib. Bu maddə üzrə xərclər Fondun ümumi büdcə xərclərinin 99,1%-ni təşkil edib.
Bununla yanaşı, ötən il dövlət büdcəsinə transfert ödənişləri ilə bağlı xərclər əvvəlki illə müqayisədə təqribən 8,9% artıb.
Qeyd edək ki, bəhs olunan dövrdə Fondun büdcəsinin xərcləri 12,9 milyard manat təşkil etməklə büdcə proqnozu ilə müqayisədə 8,7 milyon manat və ya 0,1% az icra olunub.
ARDNF tərəfindən son 10 ildə dövlət dövlət büdcəsinə transfertlərin həcmi ilə aşağıdakı cədvəldən tanış ola bilərsiniz:
İl |
Məbləğ (milyon manat) |
2015 |
8 130 |
2016 |
7 615 |
2017 |
6 100 |
2018 |
10 959 |
2019 |
11 364 |
2020 |
12 200 |
2021 |
11 350 |
2022 |
7 923 |
2023 |
11 738 |
2024 |
12 781 |