Azərbaycan, Bakı / Trend , müxbir U.İsmaylova/ "Pasa Sigorta" şirkəti avtomobil sığorta mərkəzi açmağı planlaşdırır. Bu barədə "Pasa Sigorta" şirkətinin baş direktor müavini Nofəl Rzayev məlumat verib. Bu tip mərkəzin açılması barədə qərar ölkədə avtomobil sığortasının yüksək artımı ilə əlaqədardır.
"Mərkəzin açılması doqquz ayın maliyyə göstəricilərindən asılı olacaq" - deyə o bildirib.
Cari ilin birinci yarısında 0.02 mln. manat sığorta ödəmələri ilə yanaşı, şirkət 1.79 mln. manat məbləğində sığorta haqları toplayıb.
Rzayev bildirib ki, şirkət "Bakıelektrikşəbəkə", "Azərsu", "KPMC", "Petrotrans" daxil
olmaqla digər koorporativ müştərilərlə səmərəli iş aparır.
Şirkətin planları barədə danışan Rzayev qeyd edib ki, "Pasa Sigorta"nın nümayəndə heyəti illik sığortaçılar forumunda iştirak edəcək. Forum oktyabrda Badenbadendə təşkil olunacaq. "Pasa Sigorta" dünyanın iri şirkətləri ilə gələcək əməkdaşlıq üçün artıq 18 görüş təyin edib.
