Azərbaycan, Bakı/ Trend , müxbir C.Babayeva/ Çərşənbə günü Bakının mərkəzi küçələrində bir neçə dönər satışı məntəqəsi bağlanılıb. M.Rəsulzadə küçəsində 4 dönərxana bağlanılıb.
Bağlanılan dönərxanaların işçiləri hesab edirlər ki, bu müvəqqəti haldır. Dönərxanaların işlərinin dayandırılmasını onlar Azərbaycan Respublika Gigiyena və Epidemiologiya Mərkəzinin (RGEM) qərarı ilə əlaqələndirirlər.
RGEM-in məlumatına əsasən, dönərxanalar sanitar-gigiyenik normalara əməl etmədiyinə görə bağlanılıb.
"May ayından bəri mərkəz Bakıda 12 dönər satışı məntəqəsini bağlayıb" - deyə Qidalanma gigiyenası şöbəsinin müdiri İmran Abdullayev bildirib.
Qüsurlar aradan qaldırlacağı təqdirdə obyektlər fəaliyyətə başlaya biləcəklər.