Azərbaycan, Bakı / Trend , müxbir K.Ramazanova/ İordaniya və Azərbaycan iki ölkə arasında birbaşa aviareyslərin açılması imkanlarını müzakirə edəcəklər. Bu məsələ Azərbaycanın İordaniyadakı səfiri Elman Arazlı və İordaniyanının turizm naziri Osama Dabbas arasında aparılan danışıqlarda müzakirə olunub, İordaniya KİV-lərinin verdiyi məlumatda belə deyilir.
Səfirin verdiyi məlumata görə, görüş zamanı ölkələr arasında aviareyslərin açılması imkanları, Azərbaycanda turizmlə bağlı konfransın keçirilməsi barədə müzakirələr aparılıb. İordaniyanın turizm sahəsində çalışan şirkətlərinin nümayəndələrindən ibarət olan İordaniya nümayəndə heyətinin Azərbaycana səfəri də planlaşdırılıb. Onlar Azərbaycanda turizm və investisiya sektorlarının nümayəndələri ilə görüşlər keçirəcəklər. Səfir həmçinin bildirib ki, gələn ilin fevral ayında ölkələr ikitərəfli diplomatik münasibətlərin 15-ci ildönümünü qeyd edəcəklər.