Azərbaycan, Bakı/ Trend müxbir Ü.İsmayılova/ Yanvar-sentyabr aylarında ərzaq satışı həmçinin iaşə obyektlərində pərakəndə ticarətin həcmi 14,9 faiz artaraq 5 mln. 380,2 min manat təşkil edib. Bu barədə Azərbaycanın Dövlət Statistika Komitəsinin məlumatında göstərilib.
Doqquz ay ərzində bu göstəricidən əhalinin adambaşına düşən ərzaq mallarının payı 643,2 manat təşkil edib ki, bu da 2006-cı ilin müvafiq göstəricisindən 145,4 manat çoxdur.
Hesabat dövrü ərzində əhaliyə 3 mlrd. 488 mln. manat məbləğində ərzaq malları (il ərzində artım 12,8 faiz), 1 mlrd. 892,2 mln. manat məbləğində qeyri ərzaq malları (artım 19,5 faiz) satılıb.
Qeyri hökumət müəssisələrində pərakəndə ticarət şəbəkələrinin əmtəə dövriyyəsi yanvar-sentyabr aylarında 99,2 faiz, dövlət müəssissələrində isə 0,8 faiz təşkil edib.
Doqquz ay ərzində əhaliyə 113,1 mln. manat məbləğində xidmət təklif olunub. Bu da 2006-cı ilin müvafiq dövrü ilə müqayisədə 26,9 faiz çoxdur.