Azərbaycan, Bakı / Trend , müxbir Ü.İsmayılova/ Dövlət Əmlakının İdarə edilməsi üzrə Dövlət Komitəsinin cümə axşamı yaydığı məlumatda bildirilir ki, yanvar-sentyabr ayları ərzində Azərbaycanda 1600-ə yaxın kiçik müəssisə özəlləşdirilib.
Bu dövr ərzində səhiyyə, idman və mədəniyyət sahəsində 115 müəssisə özəlləşdirilib ki, nəticədə, dövlət büdcəsinə 2,2 mln. manat vəsait daxil olub.
Həmin dövrdə əmlakın istifadəsi sahəsində 500-ə yaxın qanun pozuntusu qeydə alınıb. 900 müəssisə sahibinə, qanun pozuntusu ilə bağlı, xəbərdarlıq məktubu göndərilib ki, bu müəssisə sahiblərinin 600-nün işi baxılmaq üçün hüquq- mühafizə orqanlarına göndərilib.
Azərbaycanda xüsusi mülkiyyətə cəmi 39 kiçik müəssisə verilib.
