Azərbaycan, Bakı / Trend , müxbir U.İsmayılova/ İpoteka kreditləşməsinin maliyyələşdirilməsi üçün Azərbaycan hökuməti tərəfindən 2008-ci ilin dövlət büdcəsindən 35 mln. manatın ayrılması təklif olunub. Bu barədə şənbə günü Milli Məclisin iqtisadi siyasət üzrə daimi komissiyasının üzvü, deputat Vahid Əhmədov bildirib.
Əhmədov bildirib ki, məbləğ Milli Məclisin sessiyasında 2008-ci ilin dövlət büdcəsinin müzakirələri zamanı artırıla bilər. O bildirib ki, müzakirələr zamanı ipoteka kreditləşməsi üçün 2006-cı ilin dövlət büdcəsindən ayrılan 26 mln. manat və 2007-ci ilin dövlət büdcəsindən ayrılan 20 mln. manat vəsaitin qısa müddət ərzində xərcləndiyi nəzər alınacaq.
Milli Məclisin iqtisadi siyasət üzrə komissiyasının rəhbəri Ziyad Səmədzadənin bildirdiyinə görə, hökumət ipoteka kreditləşməsinin maliyyələşdirilməsi üzrə müəyyən olunan pul məbləğini, ölkə əhalisinin sosial vəziyyətinin yaxşılaşdırılması istiqamətində mühüm olan bu sahənin inkişaf etdirilməsi üçün ayırmaq niyyətindədir.
Komissiya rəhbəri İpoteka Fondunun 2007-ci ilin yayından müvəqqəti olaraq fəaliyyətini dayandırmasının səbəbi kimi, ipoteka kreditləşməsi sahəsində iş təcrübəsinin kifayət qədər olmaması ilə izah edib.
Səmədzadənin sözlərinə görə, hökumətin məqsədi ölkə iqtisadiyyatında ipoteka kreditləşməsinin rolunu artırmaq, ehtiyacı olanları mənzil şəraiti ilə təmin etmək və ipoteka kreditləşməsinin ölkədə inflyasiya artımına təsir edən əlavə amilə çevrilməməsi üçün lazım olanı etməkdir.
Azərbaycan Milli Bakı tərkibində fəaliyyət göstərən İpoteka Fondu 2005-ci ildə yaradılıb və 2006-cı ildən fəaliyyət göstərir. Fond ipoteka kreditlərini 23 bank təşkilatı vasitəsilə ayırır.
