...

"Ata Bank" yanvar-oktyabr aylarına dair fəaliyyətinin yekunlarını açıqlayıb

Biznes və iqtisadiyyat xəbərləri Materials 13 Noyabr 2007 16:05 (UTC +04:00)

Azərbaycan, Bakı / Trend müxbir U.İsmaylova/ İlin əvvəlində Azərbaycanın iri banklarından biri olan "Ata Bank"ın akivlərinin artımı 40,5 faiz və ya 25,36 mln. manat təşkil edib və 88,032 mln. manata çatıb. Ötən ilin analoji dövrü ilə müqayisədə 74 faiz və ya 37,468 min. manat artım müşahidə olunub. Bu barədə bankın çərşənbə axşamı yayılan məlumatında bildirilir.

Bu dövr ərzində "Ata Bank"ın kredit patfeli 37 faiz və ya 15,3 mln. manat artıb və 57,3 mln. manat təşkil edib ki, bu da 2006-cı ilin 10 ayının göstəricilərindən 63 faiz və ya 22,2 mln. manat çoxdur.

Bankın ümumi təcili depozit partfeli 53 faiz və ya 20,2 mln. manat artıb və 58,2 mln. manat təşkil edib. İl ərzində artım 78 faiz və ya 25,4 mln. manat təşkil edib. Bankda fiziki şəxslərin əmanətləri 66 faiz artıb və 35 mln. manata yaxın təşkil edib.

Bankın balans mənfəəti ilin əvvəlinə olan göstərici ilə müqayisədə 2,1 mln. manat artıb və 2,6 mln. manat təşkil edib. Bu göstərici ötən ilin analoji dövr göstəricisinə nisbətdə 10 dəfədən artıqdır.

Xəbər lenti

Xəbər lenti