Azərbaycan, Bakı / Trend , müxbir İ.Xəlilova / "Azərbaycan İnvestisiya Şirkəti" SC "Garadagh Cement" sement zavodunda iştirak payının artırılmasına israr edir, bununla əlaqədar olaraq, zavodun əsas səhmdarı olan İsveçrənin "Holcim" şirkəti ilə danışıqlar davam etdirilir. Bu barədə cümə axşamı AİŞ-in icraçı direktor müavini Riad Qasımov məlumat verib. "Holcim" səhmlərin 10%-ni təqdim etməyə hazırdır, lakin Azərbaycan tərəfi paketi 29%-ə artırmağı təklif edir.
Qasımovun sözlərinə görə, danışıqlar 7-10 günə başa çatacaq, lakin "biz hələ ki, 10% payın əldə edilməsi barədə razılıq imzalamamışıq".
""Garadagh Cement"də iştirak payının alınması investisiya şirkətinə mövcud zavodun bərpa olunması və yeni sement zavodunun yaradılmasında iştirak etməyə imkan verəcək" - deyə Qasımov qeyd edib.
Bərpa işlərindən sonra istehsal artacaq.
Qaradağ rayonunda 1,5 mln. ton gücündə yeni zavodun tikintisi də nəzərdə tutulur. Avropa Yenidənqurma və İnkişaf Bankının layihəsinin ilkin şərtləri artıq "Garadagh Cement"lə imzalanıb.
İlkin hesablamalara görə, yeni sement zavodu 150 mln. dollar dəyərində qiymətləndirilir.
AİŞ-ə "Holcim"in iştirak payından səhmlər paketi təqdim olunacaq. AYİB-in Direktorlar Şurası 2006-cı ildə "Garadagh Cement"də10 mln. dollar ödəməklə, 20% iştirak payının əldə edilməsi ilə bağlı qərar qəbul edib və bu il AYİB səhmdarların tərkibinə daxil olub.
İsveçrənin "Holcim" şirkəti "Garadagh Cement"i 1999-cu ildə özəlləşdirib.
