Azərbaycan, Bakı / Trend , müxbir S.Babayeva/ İslam İnkişaf Korporasiyası Azərbaycan müəssisələri ilə əməkdaşlığa hazırdır.Bu barədə cümə günü Korporasiyanın icraçı direktoru və baş meneceri Xalid Əl - Əbudi məlumat verib. Onun sözlərinə görə, 2003 - cü ildə Azərbaycanda fəaliyyətə başlayanda, kiçik və orta sahibkarlıq (KOS) Korporasiyanın diqqət mərkəzində olub. Əl - Əbudinin rəyinə görə, məhz KOS - lar ölkə iqtisadiyyatında əhəmiyyətli rol oynayırlar. "Azərbaycanda sonrakı fəaliyyətimizdə biz böyük şirkətlərlə də əməkdaşlıq etmək istəyirik"-- Korporasiya rəhbəri bildirib. Bu günə qədər Korporasiya Azərbaycanda KOS - ların inkişafı üçün 17 mln. dollar vəsait ayırıb. Təşkilat gələcəkdə bu şirkətlərlə yalnız kredit xətti ilə deyil, həm də birbaşa əməkdaşlıq etmək niyyətindədir. Bank Standardla yanaşı, Korporasiya yaxın vaxtlarda daha bir neçə banka kredit xətti ayırmağı planlaşdırır. Danışıqların başa çatmadığını əsas gətirərək, Əl - Əbudi bu bankların adını çəkməyib.
...