Azərbaycan, Bakı/ Trend , müxbir S.Babayeva/ Naxçıvan Muxtar Respublikasının (NMR) Bakıdakı daimi nümayəndəliyindən bildiriblər ki, yanvar - oktyabr aylarında MR - də sənaye istehsalı 110 mln. manat təşkil edib və bu, keçən ilin analoji dövründəkindən 62.7 faiz çoxdur. Ümumi istehsalın strukturunda 72.1 faiz məhsul istehsalı, 27.9 faiz xidmət sahələrinin payına düşüb. Sənaye istehsalında 0.2 faiz hasilat (+19 faiz), 71.7 faiz emaledici sənaye (+44.1), 28.1 faiz (+2.4) elektrik enerjisi və suyun istehsalı, paylaşdırılması ilə məşğul olan müəssisələrin payına düşüb. Özəl sektorun sənayedəki payı 78 mln. manat, dövlət sektorunun payı isə 32 mln. manat təşkil edib. Dövlət sektorunda məhsul istehsalı 2.4 dəfə, özəl sektorda isə 44.2 faiz artıb. Bu dövr ərzində sənaye sahəsində çalışan işçilərin sayı 5899 nəfər olub və bu, 2006 - cı ilin analoji dövründən 30.9 faiz çoxdur. Orta aylıq əmək haqqı 33.4 faiz artaraq, 162.2 manat təşkil edib.
...
