Azərbaycan, Bakı/ Trend , müxbir İ.Xəlilova/ Azərbaycan Nəqliyyat Nazirliyi Bakının nəqliyyat infrastrukurunun təkmilləşdirilməsi haqqında Dövlət Proqramına əlavə tədbirlər hazırlayıb. Dövlət Proqramının sonuncu variantı artıq hökumətə təqdim edilib. Bu barədə Azərbaycan Nəqliyyat Nazirliyinin nəqliyyat siyasəti və iqtisadiyyatı şöbəsinin direktoru Sədrəddin Məmmədov məlumat verib. Onun sözlərinə görə, 2011 - ci ilədək tədbirlərin hazırlanması Proqramın müddətinin 2007 - ci ildə bitməsilə əlaqədardır. Proqram iki il üçün nəzərdə tutulub və onun bütün tədbirləri, demək olar ki, tam həyata keçirilib. Məmmədov 2011 - ci ilədək 11 avtomobil körpüsü, yerüstü və yeraltı keçid, çoxmərtəbəli dayanacaqların tikintisinin gözlənildiyini bildirib. Plana əsasən, 2006-2007 - ci illərdə Bakıda 9 nəqliyyat qovşağının və 13 yeraltı keçidin tikilməsi planlaşdırılırdı. Z.Bünyadov küçəsindəki sayca beşinci körpü sentyabrda istismara verilib. Hazırda "Məşədi Əzizbəyov" metrosu, "Ekselsior" mehmanxanası, "Xalqlar Dostluğu" metrostansiyası yaxınlığında və Bakının 3-cü mikrorayonunda dörd körpünün tikintisi davam edir. Birinci iki nəqliyyat qovşağının növbəti ilin əvvəlində istismara veriləcəyi gözlənilir. Bütün işlər Azərbaycan prezidentinin "2006-2007 -ci illərdə Bakı şəhərində nəqliyyat sisteminin təkmilləşdirilməsi haqqında" sərəncamı üzrə Bakının nəqliyyat infrastrukturunun boşaldılması layihəsi çərçivəsində aparılır. Layihənin ümumi dəyəri 300 mln. manatdır.
...