Azərbaycan, Bakı / Trend müxbir Ü.İsmayılova/ Azərbaycanın Sosial Müdafiə Fondunun çərşənbə axşamı yaydığı məlumatında bildirilir ki, fondun gəlirləri yanvar-oktyabr ayları ərzində 879,55 milyon manat olub ki, bu da keçən ilin müvafiq dövrünə nisbətən 413,46 milyon manat və ya 88,71 faiz çoxdur.
Cari ilin on ayı ərzində məcburi dövlət sosial sığorta haqları üzrə daxilolmalar keçən ilin müvafiq dövrünə nisbətən 87,23 faiz və ya 287,87 milyon manat artaraq, 617,88 milyon manat təşkil edib. Cari ilin ötən on ayında qeyri-büdcə təşkilatlarından məcburi dövlət sosial sığorta haqları üzrə daxilolmalar 408,95 milyon manat olub. Bu da proqnozda nəzərdə tutulduğundan 98,98 milyon manat və ya 31,93 faiz çoxdur. Dövlət büdcəsindən ayırmalar proqnozla nəzərdə tutulmuş məbləğdə, yəni 260,38 milyon manat olub. Əhaliyə ödənişlər sırasında daha çox çəkiyə malik olan əmək pensiyalarının ödənilməsi xərcləri 770,85 milyon manat təşkil edib.
