Azərbaycan, Bakı / Trend , müxbir Ü.İsmayılova/ Azərbaycanın lizinq şirkətlərindən biri "Ata leasing" gələcək əməkdaşlıq məqsədilə İslam İnkişaf Korporasiyası ilə danışıqlara başlayıb. Bu barədə şirkətin çərşənbə axşamı yaydığı məlumatda bildirilir.
"Ata leasing"in İdarə Heyətinin sədri Yusif Müslümov Azərbaycanda özəl sektorun inkişafına yardım göstərən İslam İnkişaf Korporasiyasının nümayəndələri ilə görüşdə əməkdaşlıq arzularını ifadə edib və şirkətə gələcəkdə investisiya qoyulmasına dair danışıqlar aparıb.
Görüş zamanı sədr korporasiyanı ölkənin lizinq sektorundakı problemlər ilə tanış edib.
"Ata leasing" Azərbaycanın bazarında 2004-cü ildən fəaliyyət göstərir. Şirkətin səhmlərinin 64%-i
"AtaHolding" və 36%-i "AtaBank"a məxsusdur. Şirkətin Nizamnamə kapitalı 500 min manat təşkil edir.