...

Yeddi il ərzində Azərbaycan Bank Tədris Mərkəzinin gəlirləri 27 dəfə artıb

Biznes və iqtisadiyyat xəbərləri Materials 14 Dekabr 2007 17:05 (UTC +04:00)

Azərbaycan, Bakı / Trend , müxbir İ.Xəlilova / Azərbaycan Bank Tərdis Mərkəzi (ABTM) 2008-ci il üçün kursların və treninqlərin cədvəlini təsdiq edib, bu cədvələ əsasən, yeni tədris ilində dərslər yanvarın 29-dan başlanacaq. Bu barədə mərkəzin direktoru Cavanşir Abdullayev məlumat verib.

Abdulayevin fikrincə, kurslar maliyyə hesabı, vergi hüququ və menecment mövzusunda keçiriləcək. Treninqlər imtahanların başlanmasına üç gün qalmış bitəcək. İmtahanlar martın 13, 14 və 15-də keçiriləcək.

Plan üzrə, gələn il 60 kursun keçirilməsi planlaşdırılıb, 2007-ci ildə isə, cəmi 46 kurs keçirilib.

"Proqram təminatını və çərçivə sazişini biz yaxın tərəfdaşlara göndərmişik. Beynəlxalq təşkilatlarla fəal iş aparırıq və tədris prosesinə xarici təlimçilər də dəvət olunur. Biz artıq özünümaliyyələşdirməyə keçmişik" - deyə Abdullayev bildirib.

2000-ci ildən bu günədək ABTM-in gəlirləri 27 dəfə artıb. Əgər 2000-ci ilin əvvəlində tədris mərkəzinin gəlirləri 18 min manat səviyyəsində idisə, bu göstərici bu il 500 min manata çatıb. 2008-ci ilin büdcəsi 550 min manat səviyyəsində müəyyənləşdirilib.

Xəbər lenti

Xəbər lenti