Azərbaycan, Bakı, 30 yanvar/ " , müxbir İ.Xəlilova/ Azərbaycan İnvestisiya Şirkəti (AİŞ) SC-nin Müşahidə Şurası "Garadagh Cement" zavodunun yeniləşdirilməsində və yeni sement zavodunun tikintisi layihəsində iştirak haqqında investisiya qərarı qəbul edib. Bu barədə Şuranın sədri, iqtisadi inkişaf naziri Heydər Babayev məlumat verib.
Onun sözlərinə görə, bu qərarın əsasında AİŞ "Garadagh Cement"in təsisçiləri sırasına daxil olacaq və İnvestisiya Şirkətinin onun kapitalındakı iştirak payı 10 faizədək olacaq.
"AİŞ-in təsisçilər sırasına daxil olması Azərbaycan tərəfi üçün sərfəli şərtlərlə baş verəcək və bu, bir daha "Garadagh Cement"in investisiya şirkətinin onun fəaliyyətində iştirakında maraqlı olduğunu göstərir" - Babayev bildirib.
AİŞ-ə AYİB onun tərkibinə daxil olanadək müəssisənin 89,4 faiz səhminə malik əsas səhmdar - İsveçrənin "Holcim" şirkətinin iştirak payından səhm paketi veriləcək. 2006-cı ildə Avropa Bankının Direktorlar Şurası 10 mln. ABŞ dollarına "Garadagh Cement"də 20 faiz iştirak payı almaq haqqında qərar qəbul edib və ötən il AYİB səhmdarlar sırasına daxil olub.
Yenidənqurma nəticəsində fəaliyyət göstərən zavodda istehsal həcmi artırılacaq və "Garadagh Cement"in hazırkı gücünü (1,4 mln. ton) ötəcək.
Yeni zavodun tikintisi də həmçinin Qaradağ rayonunda nəzərdə tutulub və zavodun gücü 1,5 mln. ton. olacaq. "Garadagh Cement" ilə Avropa Yenidənqurma və İnkişaf Bankı arasında da yeni layihədə iştirak haqqında ilkin şərtlər artıq imzalanıb.
İlkin hesablamalara görə, yeni sement zavodunun dəyəri $150 mln. təşkil edir.
İsveçrənin "Holcim" şirkəti "Garadagh Cement"i 1999-cu ildə özəlləşdirib.
