Azərbaycan, Bakı, 31 yanvar / " müxbir Ü.İsmayılova / 2007-ci ildə Azərbaycanın daşınmaz əmlak bazarı 2006-cı ilə nisbətən daha dinamik olub. Bunun nəticəsində, qiymətlər orta hesabla, 23,2 faiz artıb, cümə axşamı "Daşınmaz əmlak bazarı iştirakçıları" İctimai Birliyindən icraçı direktor Nüsrət İbrahimov bildirib.
"2008-ci ildə daşınmaz əmlak qiymətinin artımı təxminən 16-18 faiz təşkil edəcək, birinci yarımildə bazarın aktivliyi zəif olacaq". - İbrahimov deyib.
2007-ci ildə fərqli seqmentlər üzrə dəyişikliklər belə olub:
təkrar bazarda ötən il qiymət artımı 2006-cı ilə nisbətən 21,8 faiz, ilkin bazarda - 49 faiz, torpaq bazarında - 18,5 faiz, kommersiya obyektləri bazarında - 28,6 faiz, mənzil icarəsi bazarında - 5,1 faiz, kommersiya obyektləri icarəsi bazarında - 12,1 faiz, tikinti materialları bazarında - 16,8 faiz təşkil edib.
Hazırda Azərbaycanın daşınmaz əmlak bazarının aktivliyi son beş il ərzində ən passiv səviyyədədir və bu, çox güman ki, növbəti üç-dörd ay ərzində davam edəcək,- İbrahimov deyib.
Dövlət Statistika Komitəsinin məlumatına görə, Azərbaycanın mənzil fondu 105 mln. kv. metr təşkil edir.
