Azərbaycan, Bakı, 1 fevral / Trend , müxbir İ.Xəlilova / Azərbaycan və Polşa əməkdaşlığında 2008-ci ilin səfər qrafiki əsasən Azərbaycanın yüksək vəzifəli şəxslərinin Varşavaya səfəri ilə bağlıdır, Polşanın Azərbaycandakı Fövqəladə və Səlahiyyətli səfiri Kşiştof Krayevski deyib.
Onun sözlərinə görə, Azərbaycanın daxili işlər naziri Ramil Usubov mayın ikinci yarısında Varşavaya cavab səfəri etmək dəvəti alıb. Onun polşalı həmkarı ötən il Bakıda olub. Səfər çərçivəsində idarələrarası əməkdaşlığa dair anlaşma imzalanacağı gözlənilir.
"Polşa mütəxəssisləri sərhəd nəzarəti sahəsində təlim və seminarlar təşkil edə bilərlər" - Krayevski hesab edir.
Onun sözlərinə görə, hazırda Azərbaycanın xarici işlər naziri Elmar Məmmədyarov Polşaya rəsmi səfərə hazırlaşır. O hesab edir ki, XİN başçıları arasında müzakirə üçün bir çox məsələlər var, onların arasında - Avropaya inteqrasiya, energetika təhlükəsizliyi istiqamətində və NATO sahəsində əməkdaşlıq məsələləri yer alıb.
Yanvarda Ombudsman Elmira Suleymanova Varşavada səfərdə olub. O, səfər zamanı polşalı həmkarı ilə əməkdaşlığa dair razılaşma imzalayıb.
Səfir, Polşa Parlamenti nümayəndələrinin ilin axırında Bakıya səfər edəcəkləri ehtimalını istisna etməyib.
