Azərbaycan, Bakı, 01 fevral / Trend , müxbir İ.Xəlilova / Azərbaycanın Milli Bankı bildirib ki, 2006-ci ilin dekabrına nisbətən, 2007-ci ilin dekabrında manatın Azərbaycanın ticarət tərəfdaşlarının valyutalarına nisbətən nominal effektiv kursunun (NEK) ucuzlaşma tempi güclənib,-- AMB-dən bildirilib. Ümumi ticarət dövriyyəsində kurs 5,1 faiz, idxalda - 4 faiz, ixracda - 5,8 faiz enib.
AMB-nin hesablamalarına görə, 2006-cı ilin sonuna nisbətən dekabrda ümumi ticarət dövriyyəsinin neft sektoru üzrə NEK 4,3 faiz, idxal və ixrac - 4,4 faiz enib.
2007-ci ildə nominal valyuta məzənnələrinin dəyişməsi ümumi ticarətdövriyyəsi üzrə real effektiv məzənnəyə 52%, qiymətlərin dəyişimi isə 48% təsirgöstərib (neft sektoru daxil olmaqla). Bu o deməkdir ki, real effektiv məzənnənin dəyişiminə nominal valyuta məzənnələrinin dəyişimi azaldıcı, qiymətlərin dəyişimi isə artırıcı təsir göstərib.
2000-ci ilin dekabrına nisbətən 2007-ci ilin dekabrında manatın xarici ticarət üzrə (neft sektorunu hesaba almaqla) NEK-i 14,6 faiz, idxalda - 7,9 faiz, ixracda - 19,2 faiz enib. Qeyri - neft sektorunda ümumi ticarət dövriyyəsində manatın NEK-i 2,9 faiz, idxalda - 4,6 faiz enib, ixracda - 6,7 faiz artıb.