Azərbaycan, Bakı, 06 fevral / müxbir İ.Xəlilova/ Azərbaycanın İqtisadi İnkişaf Nazirliyinin hesablamalarına görə, Sahibkarlığa Yardım Milli Fondunun (SYMF) özünümaliyyələşdirməyə və büdcə yardımından imtina etməsinə keçid 2013-cü ildən mümkün olacaq. Bu barədə çərşənbə axşamı iqtisadi inkişaf naziri Heydər Babayev məlumat verib. Onun sözlərinə görə, SYMF əvvəllər verilmiş vəsaitlərin qaytarılması hesabına kreditlər verə biləcək.
"Biz kreditlərin verliməsi və onların qaytarılması müddətini analiz edərək, sahibkarların kredit ehtiyatlarına olan tələbatının örtülməsinə lazım olan vəsaitin 2013-cü ildə toplanacağı qərarına gəlmişik", - nazir qeyd edib.
2009-cu ildə büdcə maliyyələşdirilməsinin dayandırılması ehtiyatlarda kəsir yaradacaq. Belə ki, vəsaitlərin qaytarılması, hələ ki, əhəmiyyətli deyil və gələcəkdə 30 mln. manat səviyyəsində gözlənilir.
Bundan əlavə, İqtisadi İnkişaf Nazirliyi Milli Fondun mülkiyyətinin formasının dəyişdirilməsi, onun səhmdar cəmiyyətə çevrilməsi, ona müstəqillik verilməsi təklifi ilə hökumətdə çıxış etmək niyyətindədir.
"Bu təkliflər hazırlıq mərhələsindədir və Prezident fərmanına müvafiq olaraq, sərəncamımızda üç ay vaxt var", - Babayev bildirib.
Ötən il Milli Fond tərəfindən verilən kreditlərin ümumi həcmi 90,7 mln.manat təşkil edib. Onlardan 74 mln. manatı büdcə vəsaitləri, 17 mln. manatı isə, əvvəllər verilən kreditlərin qaytarılması hesabına təmin edilib. Ötən il olduğu kimi, bu il dövlət büdcəsindən 80 mln. manat (bunun 6 mln. manatı NMR-in sahibkarlarını maliyyələşdirməyə hesablanıb) ayrımaq planlaşdırılır.
Nazirin sözlərinə görə, SYMF son dörd il ərzində 6194 sahibkara 235,6 mln. manat məbləğində güzəştli kredit verib. Maliyyələşdirilən layihələrin reallaşdırılması nəticəsində 60 min yeni iş yerinin açılması təmin ediləcək.
Milli Fondun vəsaitlərinin mənimsənilməsinin 2006-cı il dekabrın 28 -də təsdiqlənən şərtlərinə əsasən, mirkokreditlərin və kiçik kreditlərin verilmə müddəti iki il, orta - üç, böyük - beş, iri - yeddi il müəyyən edilib. SYMF-in Müşahidə Şurasının qərarına əsasən, kreditlərin verilmə müddətinin arıtırılmasında istisnalar ola bilər. Bir sahibkara düşən kreditin maksimal məbləği 3 mln. manat təşkil edir. Kreditlər üzrə faiz dərəcələri yeddi faizi ötəməməlidir.
Kredit ehtiyatları müsabiqə əsasında seçilən 32 səlahiyyətli kredit təşkilatı (27 bank, bir bank olmayan kredit təşkilatı və dörd kredit ittifaqı) tərəfindən bölünür.