Azərbaycan, Bakı, 08 fevral/ Trend , müxbir İ.Xəlilova/ UniBank kommersiya bankı Beynəlxalq Maliyyə Korporasiyası (BMK) və Qara dəniz Ticarət və İnkişaf Bankı ilə Azərbaycanda ipoteka kreditləşməsi üçün vəsaitin cəlb edilməsi mövzusunda danışıqlar aparır. Bu barədə UniBank-ın Müşahidə Şurasının sədri Eldar Qəribov məlumat verib.
Qəribov bankın BMK-dan kommersiya şərtləri əsasında yerləşdirəcək $15 mln. cəlb etməyi gözləyir. Hazırda UniBank öz proqramı üzrə ipoteka kreditləşməsini davam etdirir. Bankın ipoteka portfeli artıq 37 mln. manata çatır.
UniBank təxminən 7-10 il müddətinə və illik 15-16 faiz dərəcəsi ilə ipoteka krediti verir. Bundan əlavə, UniBank Azərbaycan İpoteka Fondunun üzvüdür və bu Fondun xətti ilə dörd milyonadək kredit verib.
Avropa Yenidənqurma və İnkişaf Bankı (AYİB) UniBank-a ipoteka krediti verilməsi imkanını da nəzərdən keçirir. Bu barədə AYİB-in birinci vitse-prezidenti Barel Friman ötən ilin sonunda Bakıya səfəri zamanı bildirib. Avrobank təxminən $6-7 mln. təqdim etməyə hazıdır.
ABŞ-dakı ipoteka böhranından sonra əcnəbi banklar uzunmüddətli kreditləşməyə ehtiyatla gedirlər. İpoteka aləti də belə kreditlərdəndir. Belə ki, o nəinki Amerika, Avropa banklarının da fəaliyyətinə böyük təsri göstərib. Böhran, həmçinin, xarici kreditlərin bahalaşmasına təsir edib.