Azərbaycan, Bakı, 13 fevral/ Trend , müxbir İ.Xəlilova/ Azərbaycanın aqrar bölməsininosfat gübrəsindən asılılığının qismən azaldılması üçün Sumqayıt superfosfat zavodu onun istehsalını bərpa etməyə hazırdır. İstehsal 1992-ci ildə dayandırılıb. Bu barədə müəssisənin rəhbəri Eldar İsmayılov məlumat verib. İlkin mərhələdə ildə 200 min ton gübrəistehsalını başlanılması üzrə tədbir müəssisənin 4,85 mln. manat qiymətləndirilən sağlamlaşdırılma proqramında nəzərdə tutulub.
Bu gün ölkənin kənd təsərrüfatında fosfat gübrəsinə tələbat ildə 450-500 min ton təşkil edir. Buna baxmayaraq, Kənd Təsərrüfatı Nazirliyinin 2008-ci il üçün proqnozlarına əsasən, əkin sahələri 1,4 mln. ha təşkil edəcək və bunun üçün, müvafiq olaraq, 1,027 mln. ton gübrə tələb olunacaq. Onlardan 530 min tonu fosfat gübrələri, 348 min tonu azot gübrələri, 220 min tonu isə kalium gübrələridir.
"Hazırda Kənd Təsərrüfatı Nazirliyi fosfat gübrəsini Sumdan (Ukrayna) idxal edir ki, bu da yerli bazarda istehsal edilə biləcək gübrədən keyfiyyətcə aşağıdır. Buna görə, onun bərpa edilməsinə ehtiyac var və biz beş-altı ay ərzində, illik istehsalı 200 min tona çatdıra bilərik", - İsmayılov bildirib.
Bundan əlavə, ölkə regionlarının sosial-iqtisadi inkişafı üzrə Dövlət Proqramında belə tapşırıq qoyulub. Proqramın reallaşdırılması 2008-ci ildə başa çatır.
Zavod rəhbəri güman edir ki, fosfat gübrələrinin istehsalının bərpa edilməsi idxal asılılığından əlavə, ölkənin aqrar bölməsinin bu məhsulu əldə etməsi üzrə xərclərini ixtisar edəcək. Bu gün hər tonun idxalı $236-240 başa gəldiyi halda yerli istehsal $150-155 təşkil edə bilər.
Superfosfat zavodu 1961-ci ildə istismara verilib və 2001-ci ildə özəlləşdirmə üçün açılıb.
Məqalə müəllifinin ünvanı: [email protected]
