Azərbaycan, Bakı, 13 fevral/ " müxbir Ü.İsmayılova/ Azərbaycanın iri sığorta şirkətlərindən biri Az Sigorta mühəndis-quraşdırma işlərinin sığortasının tətbiqi üçün yerli tikinti şirkətləri ilə əməkdaşlıq etmək niyyətindədir. Bu barədə şirkətin idarə heyətinin sədr müavini Xəyal Məmmədxanlı məlumat verib.
Məmmədxanlı şirkətin tikinti-quraşdırma işlərinin sığortasının tətbiq etməsinə tikinti işləri zamanı qarşıya çıxan risklərin təkan verdiyini bildirib.
2007-ci ilin avqustunda Bakının mərkəzi küçələrinin birində tikilməkdə olan 16 mərtəbəli bina uçub və nəticədə, 25 nəfər həlak olub.
Azərbaycanın Əmək və Əhalinin Sosial Müdafiəsi Nazirliyi nəzdində Əmək Müfəttişliyinin məlumatına əsasən, 2007-ci ildə tikinti bölməsində 70 nəfərdən çox insan həlak olub.
Məmmədxanlı bildirib ki, bazarın bu hissəsinin öyrənilməsindən sonra, şirkət tikinti-quraşdırma işlərinin sığortalanmasına başlayacaq.
2007-ci ilin yekunlarına görə, Az Sigorta sığorta şirkəti ilk dəfə olaraq yığımın həcminə görə sığorta bazarı liderlərinin onluğuna daxil olub. Yığımlar 5 mln. manat təşkil edib.
Məqalə müəllifinin ünvanı: [email protected]