Azərbaycan, Lənkəran. 18 fevral / Trend , müxbir P.Əliyeva/ İqtisadi İnkişaf Nazirliyinin Almaniya Texniki Əməkdaşlıq təşkilatı ilə birlikdə Astarada "Subtropik bağçılığın inkişafı və problemləri" mövzusunda keçirdikləri seminar müşavirədə şaxtaların subtropik bitkilərə vurduğu ziyan və onların həlli yolları araşdırılıb.
Astara rayon Icra hakimiyyətinin başçısı Mahir Quliyev rayonda sitrus meyvəçilik üçün nəzərdə tutulan 1400 ha əkin sahəsinin 1200 ha-nı şaxta məhv etdiyini diqqətə çatdırıb .
İqtisadi İnkişaf Nazirliyinin Lənkəran şöbəsinin müdiri Çingiz Məmmədov sitrus bağlarının bərpası və inkişaf etdirilməsi üçün sahibkarlara 7 illik kreditlərin veriləcəyini qeyd edib .
Çayçılıq sahəsi üzrə mütəxəssis Fərman Quliyev sitrusçuluq üzrə Dövlət Proqramının hazırlanıb qəbul edilməsi , sitrus bitkilərinin elmi əsaslarla yetişdirilməsi , qışda qorunmanın üsullarının , eləcə də ziyanverici xəstəliklərlə mübarizə metodlarının öyrənilməsindən ötrü Lənkəran Dövlət Universitetində ixtisaslı kadrların hazırlanmasının vacibliyini söyləyib.
