Azərbaycan, Bakı, 21 fevral / Trend / Naxçıvan Muxtar Respublikasına aviabiletlərin qiymətinin 16 manatdan 55 manatadək artırılmasından sonra sərnişinlərin sayı kəskin azalıb. AZAL Dövlət Konsernindən, aşağı yüklənməyə görə, aviareyslərin sayının gün ərzində altı-yeddidən üçədək azaldılmasını bildiriblər.
Hazırda sərnişinlərin aviareyslərdən imtina etməsi İran vasitəsilə Naxçıvana həyata keçirilən avtobus marşrutunun xeyrinə baş verir. Bu marşrut üçün biletlərin dəyəri 14 manat təşkil edir.
Azərbaycanın Tarif Şurası qərarına əsasən 2008-ci il yanvarın 1-dən Bakı-Naxçıvan-Bakı (bir istiqamətdə) reysinin biletlərinin qiyməti16 manatdan (10 il ərzində dəyişdirilmədən qalan) 95 manata qədər qaldırılıb.Bundan sonra Azərbaycanın Nazirlər Kabineti Bakı-Naxçıvan və Naxçıan-Bakı marşrutları üzrə sərnişin daşımaları üçün biletlərin qiymətini 55 manat səviyyəsində (hava limanı rüsumu və digər xərclər daxil olmaqla) təsdiq edib.
Adi sərnişinlər üçün biletlərin dəyərindən 20 manat, I və II qrup əlillər, 5 yaşdan 12 yaşadək uşaqlar, tələbələr (ildə iki dəfə uçan) üçün isə, 30 manat AZAL Dövlət Konserninə kompensasiya ediləcək. Güzəştlərin qalan hissəsi Dövlət Konserninin maliyyə-təsərrüfat fəaliyyətinə aidiediləcək.
Bakı-Naxçıvan marşrutu üzrə avtobus daşınmalarını həyata keçirmək üçün üç Azərbaycan və bir İran şirkəti cəlb edilib. Naxçıvan Muxtar Respublikasında qeydiyyatdan keçmiş insanlar üçün üç aylıq pulsuz viza şəklində güzəştlər var. Azərbaycanın digər vətəndaşları viza almalıdırlar.
Avtobus marşrutları İran ərazisindən keçəcək. Belə ki, Naxçıvan Muxtar Respublikası blokadadadır və ölkənin qalan ərazisi ilə yalnız hava əlaqəsinə malikdir. Marşrut Azərbaycan və İran arasında imzalanmış memorandum əsasında həyata keçirilir.
