Azərbaycan, Bakı, 25 fevral / Trend / "Agrolizing" ASC kənd təsərrüfatı texnikasının alınması üçün təkliflər sorğusu elan edib. Məlumatda bildirilir ki, təşkilat fermerlərə verilməsi üçün 628 ədəd texnika (otbiçən, otpresləyən, susəpən, buğda təmizləyən və digər) və onlara əlavə hissələr almaq niyyətindədir.
Sorğuda iştirak dəyəri 500 manat qiymətləndirilir. Maraqlanan şəxslərin təklifləri martın 13-nə qədər qəbul olunur. Prosedur martın 14-də ASC-də baş tutacaq.
Alınan texnika tərəflər arasında müqavilənin imzalanması dövründən 60 gün müddətinə ASC-yə təqdim edilməlidir.
2005-ci ildə fəaliyyətinin ilk dövründən "Agrolizing" fermerlərə 5007 adda müxtəlif kənd təsərrüfatı texnikası, 110,6 min ton azot gübrəsi, 26,1 min ton superfosfat gübrəsi və 267,7 ton pestisid təqdim edib.
Bu dövr ərzində dövlət büdcəsindən "Agrolizing" ASC üçün 103,5 mln. manat ayrılıb.
"Agrolizing" ASC Azərbaycan prezidenti İlham Əliyevin sərəncamı ilə 2004-cü il oktyabrın 23-də yaradılıb. Müəssisənin fəaliyyəti aqrar sahənin yaxşılaşdırılması və müxtəlif kənd təsərrüftı texnikasının əldə edilməsi, onların yerli torpaq sahiblərinə lizinqə verilməsi yolu ilə ölkədə sahibkarlara dəstəyə yönəldilib.
Bu gün ASC doqquz regional aqroservis təchizat bazasına və işğal olunmuş torpaqlar istisna olmaqla Azərbaycanın rayonlarında 57 aqroservis filialına malikdir.
