Azərbaycan, Bakı, 13 mart / Trend , müxbir S.Babayeva/ "Garadagh Cement" ASC səhmdarlarının cümə axşamı keçirilən toplantısında "Azərbaycan İnvestisiya Şirkəti" SC (AİŞ) ilə fevral ayında imzalanan 13,7 milyon avro müqabilində "Qaradağ Sement"in nizamnamə fondundan 10 faizlik payın müəssisənin əsas səhmdarı olan "Holcim Ltd" şirkətindən satın alınmasına dair müqavilə təsdiq olunub.
ASC-dən verilən məlumat görə, bu şirkətə qədər müəssisənin 3 hüquqi və 913 fiziki şəxs səhmdarı olub.
"Müqavilə hüquqi qüvvəyə mindikdən sonra "Holcim Ltd" şirkəti "Qaradağ Sement" ASC-nin nizamnamə fondunun 66 faizinin, AİŞ isə 10 faizinin sahibləri olacaq" - deyə "Garadagh Cement"dən bildiriblər
"Garadagh Cement"in digər sədmdarları 10 faiz səhm payı ilə Avropa Yenidənqurma və İnkişaf Bankı və 3,39 faiz pay ilə "Holcim Auslandbeteiligungs GmbH" şirkətidir. Ümumi səhmlərin qalan 10,61 faizi fiziki şəxslərə məxsusdur.
"Garadagh Cement" ASC Azərbaycanda yeganə klinker və sement istehsalçısıdır.