Azərbaycan, Bakı, 14 mart/ " müxbir İ.Xəlilova/ 2007-ci ildə Azərbaycanın Maliyyə Nazirliyi bir sığorta şirkəti və bir təkrar sığorta şirkətinə fəaliyyət göstərmək üçün lisenziya verib, həmçinin, bir broker və altı sığorta şirkətinin lisenziyasının müddətini uzadıb. Bu barədə 2007-ci ildə sosial-iqtisadi inkişaf üzrə hökumətin hesabatında deyilir.
Sığorta qanunvericiliyinin pozulması və digər ciddi pozuntulara görə, Dövlət Sığorta Nəzarəti Xidməti bir sığorta şirkətinin lisenziyasını ləğv edib.
2008-ci il yanvarın 1-nə olan vəziyyətə görə, ölkədə 29 sığorta şirkəti (o cümlədən, əcnəbi kapitalla yeddi birgə sığorta şirkəti), bir təkrar sığorta və yeddi broker sığorta şirkəti (o cümlədən, xarici kapitalla dörd) fəaliyyət göstərir.
2007-ci il ərzində Dövlət Sığorta Nəzarəti Xidməti doqquz sığorta şirkətinin fəaliyyətini yoxlayıb. Şirkətlər tərəfindən sığorta ödəmələrinin verilməsindən qanunsuz şəkildə imtina edilməsi faktları aşkar edilib. Sığorta Nəzarəti Xidmətinin işə qarşıması nəticəsində, sığortaçılara 11,7 min manat məbləğində ödəmə təmin edilib.
Ötən il, sığorta ödəmələri ilə bağlı Dövlət Sığorta Nəzarəti Xidmətinə fiziki və hüquqi şəxslərdən 63 şikayət daxil olub. Onlara baxılarkən, qanunsuz olaraq sığorta ödəmələrinin verilməsindən imtina edilməsi halları aşkar edilib. Sığorta nəzarətinin işə qarşımasından sonra ödəmələr 77,4 min manat məbləğində təmin edilib.
2007-ci ilin sonunda Azərbaycanın bütün sığorta şirkətlərinin ödənilmiş Nizamnamə kapitalının ümumi həcmi 64,7 mln. manat təşkil edib ki, bu da 2006-cı ildən 65,1 faiz çoxdur.
Məqalə müəllifinin ünvanı: [email protected]
