Azərbaycan, Bakı, 17 mart / Trend , müxbir Ü.İsmayılova / Azərbaycan Milli Bankı hazırda iki valyuta - avro və dollardan ibarət olan valyuta səbətinin diversifikasiya imkanlarına yenidən baxmalıdır. Bu barədə bazar ertəsi Milli Məclisin İqtisadi siyasət üzrə daimi komissiyasının sədri Ziyad Səmədzadə bildirib.
"Biz səbəti genişləndirmək və pulları dünyanın digər aparıcı valyutaları ilə saxlamaq niyyətindəyik" - deyə Səməlzadə dəqiqləşdirib.
Hazırda Azərbaycan Milli Bankının valyuta ehtiyatları əsasən iki valyuta -Amerika dolları və Avropa valyutası üzərində cəmlənib.
Səmədzadə qeyd edib ki, Azərbaycan hökuməti bundan sonra valyuta ehtiyatlarını qızıl şəklində saxlamaq niyyətindədir. Nəzərə almaq lazımdır ki, son zamanlar dünyada qızılın qiyməti və qızıla tələbat artıb.
Azərbaycan Milli Bankının məlumatına görə, dolların manata nisbətən məzənnəsi 0,8377manat, avronun məzənnəsi isə 1,3269 manat təşkil edir.
Mart ayı üzrə AMB-nin tabeliyində olan ölkənin valyuta ehtiyatları 4015,5 mln., Azərbaycan Dövlət Neft Fondunun aktivləri ilə birgə isə 7 mlrd. dollardan artıq olub.
Müəlliflə əlaqə ünvanı: [email protected]
