Azərbaycan, Bakı, 30 mart / Trend , müxbir Ü.İsmayılova / Azərbaycanın "Gunay Anadolu Sigorta" sığorta şirkəti Life törəmə şirkətini açmaq niyyətində deyil. Bu barədə bazar günü şirkətin baş direktor müavini Mehman Əliyev məlumat verib.
"Yığımıçı həyat sığortası ilə məşğul olmaqdan ötrü, biz yığılmış pulları investisiya etməliyik ki, onları sonradan qaytara bilək"-deyə Əliyev bildirib.
Yeni "Sığorta fəaliyyəti" haqqında Qanun mart ayının 15-dən qüvvədədir. Yeni Qanuna görə, sığorta şirkətləri Life və Non-life növlərinə ayrılmalıdır (üç il müddətinə). Life şirkətlər sığortaçılara iki il minimal müddətlə yığımçı sığorta təqdim edə biləcək.
Əliyevin sözlərinə görə, Azərbaycanda elə cəlbedici obyekt yoxdur ki, ora yığılmış sığorta vəsaitlərini investisiya edəsən və sığorta müddəti başa çatandan sonra sığortaçıya vəsaitləri geri qaytara biləsən.
"Nazirilik şirkətlərə Life törəmə şirkətlərinin açılışı öhdəliyini qoysa, biz yəqin ki, onu açacağıq" -deyə Əliyev bildirib.
"Gunay Anadolu Sigorta" şirkətinin təsisçiləri "Gunay" Səhmdar Bankı və Türkiyənin "Anadolu Anonim" sığorta şirkətidir. Şirkət təkrar sığorta ilə məşğul olan şirkətlər - Munich Reinsurance Company (Almaniya), Swiss Reinsurance Company (İsveçrə), Cologne Reinsurance Co. Ltd (Almaniya), Assicurazioni Generali S.P.A. (İtaliya), Royal & Sun Alliance Reinsurance (İngiltərə), American Re- Insurance Company (ABŞ), Scor Reinsurance (Fransa)şirkətləri ilə işləyir.
Müəlliflə əlaqə saxlamaq üçün elektron ünvan: [email protected]
