Azərbaycan, Bakı, 02 aprel / Trend , müxbir S.Əliyev/ Odessa şəhərində aprelin 24-25-də TRASECA nəqliyyat dəhlizinin iştirakçı ölkələri milli katiblərinin iclası keçiriləcək. Bu barədə çərşənbə günü bu təşkilatın Azərbaycandan olan katibi Akif Mustafayev məlumat verib. Görüşdə həmçinin iştirakçı ölkələrin dövlət dəniz administrasiyalarının nümayəndələri də iştirak edəcək.
Mustafayevin sözlərinə görə, milli katiblərin görüşündə dəniz daşımaları üzrə təhlükəsizlik layihəsinin gedişatının müzakirə olunacağı nəzərdə tutulub. Tərəflər ekoloji, nəqliyyat və dəniz daşımaları zamanı digər təhlükəsizlik məsələlərini də nəzərdən keçirəcəklər. İclasda xüsusilə, Xəzər və Qara dəniz üzrə daşımalar müzakirə olunacaq.
