Azərbaycan, Bakı, 16 aprel/ Trend müxbir İ.Xəlilova/ Avropa Yenidənqurma və İnkişaf Bankı (AYİB) Azərbaycanda mikormaliyyələşdirmə üzrə portfelin genişləndirilməsi çərçivəsində Normikro (Norveg MicroCredit) və AzerCredit üçün yeni kredit xətləri açıb. Bu barədə çərşənbə günü AYİB-in Bakı nümayəndəliyindən məlumat veriblər.
Normikro vıdelen kredit v razmere $1 mln., a AzerCredit - $2 mln. Kreditnıe resursı EBRR prednaznaçenı dlə finansirovaniə mikro i maloqo predprinimatelğstva v reqionax stranı.
AYİB-in kredit ehtiyatları ölkə regionlarında mikro və kiçik sahibkarlığın maliyyələşdirilməsi üçün nəzərdə tutulub. Bundan əlavə Avropa bankı Azərbaycan Mikormaliyyələşdirmə Bankından (AMMB) ikinci səviyyənin kapitalının artırılmasında iştirak haqqında qərar qəbul edib. AYİB 2006-cı ildən AMMB-in səhmdarıdır və 20 faiz səhmə malikdir.
AzerCredit 1996-cı ildə, ölkənin bank sisteminin ehtiyatlarına çıxışı olmayan sahibkarlara kredit xidmətlərinin göstərilməsi üçün yaradılıb. AYİB-in krediti hesabına bu kredit təşkilatı $10 minədək həcmdə borclar verə biləcək.
Normiko Azərbaycanda 1998-ci ildən fəaliyyət göstərir və artıq 12 rayonu əhatə edərək regionlarda fəaliyyətini genişləndirir. Bu bank olmayan təşkilatın orta kreditləşmə həcmi $752 təşkil edir. Avropa bankının hesabına onun müştərilərə verə biləcəyi kreditin maksimal həcmi $10 təşkil edir.
Kredit xətləri texniki əməkdaşlıq çərçivəsində qrantlarla müşayiət olunacaq. Texniki yardım təşkilatların personalı üçün treninqlərin keçirilməsini, avadanlıq və proqram təminatına sərmayələrin yatırılması yolu ilə institusional inkişafın dəstəklənməsini nəzərdə tutur.
AYİB artıq mikro və kiçik sahibkarlığın maliyyələşdirilmə proqramı vasitəsilə Şərqi Avropa, Rusiya, Mərkəzi Asiya və Qafqazda 3 mln.-dan çox sahibkara dəstək göstərib. Hazırda mikro və kiçik sahibkarlığın maliyyələşdirilməsi üzrə ayrı-ayrı strukturların təsis edilməsi və fəaliyyətinin genişləndirilməsi məqsədilə AYİB 150 kommersiya bankı və bank olmayan mikromaliyyələşdirmə təşkilatı ilə əməkdaşlıq edir. Bu gün mikro və kiçik biznesin dəstəklənməsi üçün nəzərdə tutulan 15 mlrd. avro dəyərində mexanizm çərçivəsində Avropa bankı 1 mlrd. ayırıb.
Müəlliflə əlaqə saxlamaq üçün elektron ünvan: [email protected]
