Azərbaycan, Bakı, 16 aprel/ Trend müxbir Ü.İsmayılova/Ləğv edilmiş Azərbaycan-İran sığorta şirkətin təsisçiləri aprelin əvvəlində keçirilən iclasda şirkətin gələcək taleyi barədə vahid rəyə gələ bilməyiblər və mayın əvvəlində yenidən görüşmək qərarına gəliblər. Bu barədə çərşənbə günü şirkətin idarə heyətinin sədri Qəmbər Suanverdiyev məlumat verib.
Azərbaycanın Maliyyə Nazirliyi fevralın 15-də Azer-Asiya-nın sığorta fəaliyyətinin göstərilməsi üçün 2002-ci il noyabrın 21-də verilmiş lisenziyasının müddətini uzatmaqdan imtina edib. Azərbaycanda sığorta fəaliyyətinin göstərilməsinə lisenziya beş il müddətinə verilir və bununla əlaqədar Azer-Asiya-nın fəaliyyətinə icazə ötən ilin noyabrında başa çatıb.
Azer-Asiya birgə sığorta şirkətinin təsisçiləri İranın Asiya Sıgorta (49 faiz) şirkəti və AzerSıgorta Dövlət Sığorta Kommersiya Şirkətidir (51 faiz).
Onun fəaliyyət müddətinin uzadılmasından imtina üçün əsas şirkətin 2006-cı il oktyabrın 1-dən 2007-ci il oktyabrın 1-dək dövr ərzində fəaliyyətinin sığorta qanunvericiliyinə və lisenziyanın tələblərinə uyğunluğunun analizinin nəticələri olub. Yoxlama nəticəsində əvvəllər Maliyyə Nazirliyi ilə razılaşdırılmış sığorta şərtlərinə əməl edilməməsi faktları aşkar edilib.
Suvanverdiyenin sözlərinə görə, Azer-Asiya artıq ləğvetmə ilə əlaqədar şirkətin portfelinin satılmasını elan edib.
Şirkətin 17-dək fiziki və 60 korporativ müştərisi olub və onların hamısı polislərinin satılması haqqında xəbərdar ediliblər.
Suvanverdiyev bildirib ki, şirkət öz portfelini (bağlanmış bütün sığorta polisləri) müqavilələrin şərtlərini dəyişməyərək, arzulayan digər yerli sığorta şirkətlərinə satmaq niyyətindədir.
Azer-Asia Azərbaycan-İran birgə sığorta şirkəti Azərbaycanın sığorta sığorta bazarında 1997-ci ildən fəaliyyət göstərib.
Müəlliflə əlaqə saxlamaq üçün elektron ünvan: [email protected]