Azərbaycan, Bakı, 21 aprel/ Trend / Azərbaycanın Nazirlər Kabineti prezidentin "Bəzi istehlak mallarının istehsalı və dövriyyəsi ilə bağlı dövlət tənzimlənməsinin təkmilləşdirilməsi sahəsində əlavə tədbirlər haqqında" fərmanının icrası barədə 2005-ci ilin dekabrında qəbul edilmiş qərara düzəlişlər edib.
Hökumətin məlumatında bildirilir ki, sənədin I fəslində "Spirtli içkilər" sözündən sonra 1.1 bəndinə "(spirtli içki adı altında (pivə istisna olmaqla) hazır halda tərkibində etil spirtinin payı 1,5 faizdən çox olan məhsul və etil spirtinin əlavə edilməsi ilə xammaldan hazırlanmış içməli spirt nəzərdə tutulur)" sözlərini, 1.3 bəndinin doqquzuncu abzasında "səməni pivəsi" sözündən sonra "(tərkibində etil spirtinin miqdarı 0,5 faizdən çox olan alkoqollu pivə nəzərdə tutulur)" sözlərini əlavə etmək barədə qərar qəbul edilib.