Azərbaycan, Bakı, 25 aprel/ Trend müxbir İ.Xəlilova/Azərbaycan İnvestisiya Şirkəti (AİŞ) və Özəl Sektorun İnkişafı İslam Korporasiyası (İCD) tərəfindən təsis edilən Caspian International Investment Company dövlət qeydiyyatını keçib. Bu barədə cümə günü AİŞ-dən məlumat veriblər. Hazırda loqistika, aqrobiznes, tikinti biznesi və ticarət mərkəzləri, mehmanxanalar və soyuducu ambarlar, ofis mebelinin istehsalı sahələrində layihələrin biznes-planları hazırlanır.
CİİC ölkənin qeyri-neft sektoruna investisiyalar yatırmaq niyyətindədir. Standart maliyyələşdirmə və sığorta xidmətlərinin göstərilməsi şərtləri ilə fəaliyyət göstərən banklar və sığorta təşkilatları, həmçinin şəriət prinsiplərinə zidd olan məhsullar istehsal edən müəssisələr (spirtli içkilər və donuz ətindən olan məhsulların istehsalı üzrə müəssisələr), istisna təşkil edir.
AİŞ icraçı direktoru Anar Axundovun bu günlərdə verdiyi məlumata görə, iyunda CİİC-in Bakıda təqdimatı çərçivəsində Fars körfəzi investisiya şirkətləri üçün konfrans keçirmək planlaşdırılır. Layihələri bu regiondan olan şirkətlərin iştirakı ilə reallaşdırmaq planlaşdırılır.
İnvestisiya şirkətinin təsis edilməsinin əsas məqsədi ərəb ölkələrindən investisiyaların cəlb edilməsidir. Bunun nəticəsində AİŞ və İCD-nin birgə şirkətdə iştirak payları azalacaq. Son nəticədə, 4-5 ildən sonra Azərbaycan İnvestisiya Şirkəti özünün strategiyasında qəbul edildiyi kimi səhmdarlıqdan çıxacaq. Bu gün Dubay və Fars körfəzinin digər bankları CIIC səhmdarı olmaq barədə potensial arzularının olduğunu bildirirlər.
Şirkət ilkin olaraq $3-4 mln. Nizamnamə kapitalı ilə yaradılıb. Lakin iki il əzində o $70 mln.-dək çatdırılacaq. AİŞ-in iştirak payı 25 faiz təşkil edəcək və onun ödənilməsi üçün $14 mln. verəcək. Şirkət təkcə AİŞ və İCD-nin (ilkin mərhələdə onun iştirak payı 75 faiz təşkil edəcək) deyil, həm də Yaxın Şərq və Fars körfəzindən olan sərmayədarların vəsaitləri hesabına formalaşdırılacaq.
Belə maliyyə institutunun yaradılması təşəbbüsü 2006-cı il noyabrın 8-9-da ərəb institutları və investorlarının iştirakı ilə Bakıda keçirilən investisiya konfransı çərçivəsində İİB prezidenti Əhməd Məhəmməd Əlidən gəlib.
Aprelin 25-ə olan rəsmi məzənnə 0,8289 AZN/USD.
Müəlliflə əlaqə saxlamaq üçün elektron ünvan: [email protected]