Azərbaycan, Bakı, 01 may/ Trend , müxbir İ.Xəlilova/ Visa International beynəlxalq ödəmə sisteminin MDB ölkələri üzrə regional ofisinin yeni rəhbəri iyunda Azərbaycana səfər edəcək. Bu barədə cümə axşamı 100 faizlik sahibinin ABB olduğu "Azərikard" prosessinq mərkəzinin Baş direktoru Elmar Sadıxov məlumat verib.
Visa-nın strukturuna dəyişikliklər baş verib. Bundan sonra regional ofis Ukraynada yerləşəcək. Moskvada isə yalnız Rusiyaya xidmət göstərən ofis yerləşir.
Səfər zamanı Visa ilə birlikdə başlanılacaq yeni layihələrin müzakirəsi planlaşdırılır.Yaxın vaxtlarda servis və malların alınması üzrə xidmətlərin internet vasitəsilə ödənilməsini nəzərdə tutan "Virtual elektron kommersiya" layihəsinin reallaşdırılmasına başlamaq planlaşdırılır.
Bundan əlavə, "Card-Card" sistemini buraxmaq planlaşdırılır. Bu sistem dünyada bir kartdan istənilən karta pul köçürməyə imkan verəcək.
Bu gün "Azərikard" tərəfindən dövriyyəyə buraxılan kartların ümumi sayı 3,5 milyona çatıb. Bu kartların böyük hissəsi isə, Visa kartlarının payına düşür. Pensiyaların kartlar vasistəsilə ödənilməsi üzrə ən iri layihə Visa sistemi vasitəsilə reallaşdırılıb. "Azərikard" prosessinq mərkəzi bu gün ölkədə fəaliyyət göstərən 46 bankdan 36-a xidmət göstərir.
Mayın 1-ə olan rəsmi məzənnə 0,828 AZN/USD
Müəlliflə əlaqə saxlamaq üçün elektron ünvan: [email protected]
