Azərbaycan, Bakı, 06 may / Trend , müxbir S.Babayeva/ Cari ilin birinci rübündə Naxçıvan Muxtar Respublikası (NMR) 20 ölkə ilə 15,4 mln. dollar həcmində xarici ticarət əməliyyatı həyata keçirib. Bu barədə NMR-in Bakıdakı daimi nümayəndəliyindən məlumat verilib.
Ümumi ticarət dövriyyəsi strukturunda 16,8 faiz və ya 2,5 mln. dollar ixracın, 12,8 mln. dollar, yaxud 83,2 faiz isə idxalın payına düşür.
Yanvar-mart aylarında Muxtar Respublikanın ticarət tərəfdaşları Türkiyə, İran, Rusiya, Ukrayna, Almaniya, Gürcüstan, Koreya, Fransa, ABŞ, BƏƏ, Kuba, Qazaxıstan, Hindistan, Yaponiya, Macarıstan, Avstriya, Böyük Britaniya, İsveç, İsveçrə və Çin olub.
