Azərbaycan, Bakı, 14 may / Trend , müxbir İ.Xəlilova/ Azərbaycanın "AGBank" bankının kapitalında səhmlərin 10 faizinin əldə edilməsi üzrə sövdələşmə Amerikanın "Kazimir Investment Caspian Fund" şirkətinə, səhmin nominal dəyərindən 5,6 dəfə baha başa gəlib. Bankın PR-şöbə rəhbəri Ələkbər Əliyevin çərşənbə günü bildirdiyinə görə, səhmlərin 10 faizinin nominal dəyəri 1,5 mln. manat olduğu halda, onlar xarici səhmdarlara 8,360 mln. manata satılıb.
Bank səhmdarları dünənki toplantıda "Kazimir Investment" ilə təsisedici sazişi təsdiq ediblər. Bank səhmdarları heyətində dəyişikliklə əlaqədar onun Nizamnaməsinə də dəyişikliklər edilib.
Əliyev bildirib ki, yeni səhmdarın daxil olması nəticəsində, bankın Nizamnamə kapitalı, hər səhmin nominal dəyəri 10 min manat olmaqla 26,556 mln. manata qədər artıb.
Bu gün "AGBank"ın təxminən 80 səhmdarı var. Bu günə qədər bankın yeganə xarici səhmdarı Beynəlxalq Maliyyə Korporasiyası (IFC) sayılırdı. O, bankın kapitalında iştirakın 17,5 faizini (735 000 səhm) 1,470 mln. manata əldə edib.
Hazırda bankın aktivləri 170 mln. manatı üstələyir.
Mayın 14-ə olan rəsmi məzənnə 0,8276 AZN/USD.
Müəlliflə əlaqə saxlamaq üçün elektron ünvan : [email protected]
