Azərbaycan, Bakı, 16 may/ Trend , müxbir İ.Xəlilova/ Alman sərmayədarları Azərbaycanın tikinti bazarında fəaliyyətlərini genişləndirməkdə maraqlıdırlar. Bu barədə Azərbaycan-Bavariya iqtisadi forumunda iştirak edən nümayəndə heyətinin tərkibində Bakıya gəlmiş AZ-BEHV Şirkətinin baş direktoru Albert Saks məlumat verib.
Şirkət bu günədək Azərbaycanda iki müəssisənin - beton və konstruksiyalar istehsalı üzrə AzSaks Beton Ltd zavodunun və tikinti avadanlığı və qurğuların satışı üzrə AZSaks CST Ltd şirkətinin yaradılmasına sərmayə yatırıb (həmçinin Bakı-Sumqayıt yolunun 26 kilometrinə). AZ-BEHV-in sərmayələri üç mln. avro təşkil edib. Saks bu sərmayələrin öz xərcini ödəmə müddətinin üç-beş ildən sonra başlayacağını gözləyir ki, bu da beton zavodunun tikinti məhsuluna olan tələbatın artmasından asılı olacaq.
Zavov ayda 5-10 min kubmetr beton istehsalı ilə fəaliyyətə başlayıb, lakin istehsal həcmini ildə 300 min kubmetrədək artırmağı planlaşdırır.
"Ölkədə iqtisadi inkişafın artım templəri və neft gəlirləri hesabına iri layihələrin maliyyələşdirilməsi bizdə, Azərbaycanda alman istehsalı olan tikinti materiallarının istehsalına maraq oyadıb", - şirkət rəhbəri bildirib.
Artıq Altes Group, Mega City Holding, STS Holding, MTK Holding və s. tərəfdaş münasibətləri qurulub. Körpü və keçidlərin tikintisinə dair dövlət proqramı çərçivəsində körpü konsturksiyalarına, Bakı-Samur yolunun tikintisində çalışan İtaliyanın Todini şirkətindən və s. sifarişlər gəlir.
AZ-BEHV Azərbaycandakı beton zavodlarının, tikinti şirkətləri əməkdaşlarının peşəkarlığının artırılması üçün, Sumqayıtda beton texnologiyaları üzrə Akademiyanın yaradılması təklifi ilə çıxış edib. Saksın sözlərinə görə, əməkdaşlar üçün seminarlar təşkil ediləcək. Gələcəkdə bu təhsil qurumunun nümayəndəliklərinin genişləndirilməsi və Bakıda, Qubada və digər şəhərlərdə nümayəndəliklərin açılması mümkündür.
Alman sərmayədarları bu planları, həmçinin, tikinti sektorunda yeni müəssisələrin yaradılması planlarını bu həftə Sumqayıt şəhər İcra Hakimiyyətində müzakirə ediblər.
AZ-BEHV layihələrə 100 faizli alman kapitalını yatırır.
Mayın 16 -na rəsmi məzənnə -- 0,8274 AZN/USD.
Müəlliflə əlaqə ünvanı: [email protected]
