Azərbaycan, Bakı, 17 may/ Trend , müxbir Ü.İsmayılova/ Azərbaycanın Əmək və Əhalinin Sosial Müdafiəsi Nazirliyi Beynəlxalq Əmək Təşkilatının 97-ci sessiyasında iştirak edəcək. Bu barədə şənbə günü Əmək Nazirliyinin Beynəlxalq Əməkdaşlıq şöbəsinin rəhbəri Elnur Sultanov məlumat verib.
"Azərbaycanın nümayəndə heyətinə əmək nazirinin müavini İlqar Rəhimov başçılıq edəcək", - Sultanov bildirib.
Konfrans mayın 27-dən iyunun 13-dək keçiriləcək. Konfransın plenar iclası iyunun 9-da keçiriləcək.
Sessiyada qloballaşma kontekstində Təşkilatın vəzifələrinə nail olunmasında üzv dövlətlərə yardımın göstərilməsi üzrə BƏT-in potensial imkanlarının möhkəmlənməsi müzakirə ediləcək: BƏT-in potensial imkanlarının möhkəmlənməsi məsələlərinin müzakirəsinin davam etdirilməsi və ola bilsin ki, hər bir reallaşma ilə bağlı tədbirlər və onlara lazımi xarakterin verilməsi ilə bəyannamə və ya istənilən digər müvafiq akt formasında nüfuzlu sənədin qəbul edilməsi.
Müəlliflə əlaqə saxlamaq üçün elektron ünvan: [email protected]
