...

Yeni tikililərdə qiymət artımı daha çox Bakı ətrafında müşahidə olunur

Biznes və iqtisadiyyat xəbərləri Materials 17 May 2008 14:00 (UTC +04:00)

Azərbaycan, Bakı, 17 may / Trend , müxbir U.İsmayılova/ May ayında Bakıda ilkin əmlak bazarında bir kvadrat metr mənzil sahəsinin orta qiyməti 1,4 faiz - 1091$ bahalaşıb. Bu haqda "Əmlak bazarı iştirakçıları" İctimai Birliyindən şənbə günü verilən məlumatda deyilir.

Yeni tikililərin çoxu ötən aylarda olduğu kimi, Bakının Yasamal rayonunda inşa edilib. Yeni obyektlərin inşasına görə ikinci yeri Nəsimi rayonu, üçüncü yeri - Xətai rayonu tutur.

May ayında Bakının Səbail, Xətai, Nərimanov və Suraxanı rayonlarında yeni tikililərin bir kvadrat metri üçün orta qiymətlərdə cüzi artım müşahidə olunub. Mayda ən yüksək qiymət artımı (6,6 faiz) Sabunçu rayonunda müşahidə olunub ki, bu da şəhərin mərkəz rayonları ilə müqayisə burada qiymətlərin daha aşağı olması ilə əlaqəlidir. Məhz bu, sözügedən rayonda daşınmaz əmlaka olan ilkin tələbatın artmasına səbəb olub.

Qiymət artımı, həmçinin ödənişin əcnəbi valyutadan milli valyutaya keçməsilə də əlaqələndirilir.

İctimai təşkilatın keçirdiyi monitorinqinin nəticəsinə görə, may ayında Bakıda 216 tikinti şirkətlər tərəfindən 580 bina tikilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti