Azərbaycan, Bakı, 20 may / Trend , müxbir U.İsmayılova/ Cari ilin aprel ayında Bakının torpaq bazarında bir sot torpağın qiyməti 3,2 faiz artaraq 24618 dollara çatıb. Bu barədə çərşənbə axşamı "Əmlak bazarı iştirakçıları" İctimai Birliyindən məlumat verilib.
Təşkilatdan verilən məlumata görə, aprel ayında torpaq əmlakının ekspozisiya müddəti mart ayına nisbətdə 5,2 faiz artıb. Yaranmış vəziyyət əsasən təklifin artması və eləcə də təklif olunan torpaq sahələrinin qiymətinin öz dəyərindən yüksək olması ilə əlaqələndirilir.
Aprel ayında şəhər ətrafı torpaq sahələrində torpağa tələbat mərkəzə nisbətdə əhəmiyyətli dərəcədə yüksək olub. Bu vəziyyət isə torpaq bazarında qiymət artımı ilə izah olunur.
Yekuna əsasən, torpaq bazarında qiymət artımı əsasən Binəqədi, Əzizbəyov, Suraxanı və Sabunçu rayonlarında yerləşən daha ucuz torpaqlar hesabına baş verib.
Məqalə müəllif ilə əlaqə ünvanı: [email protected]
