Azərbaycan, Bakı, 20 may / " ", müxbir U.İsmayılova/ Aprel ayında Bakının avtomobil bazarında ən çox tələbat Mersedes (Bazara təklif olunan avtomobil sayından 42,3 faizə qədəri) markalı avtomobillərə olub. İkinci yerdə BMW, üçüncü yerdə Opel maşınları qərarlaşıb. Bu barədə çərşənbə axşamı "Əmlak bazarı iştirakçıları" İctimai Birliyindən məlumat verilib.
Monitorinqin aparıldığı 4,4 min avtomobil arasında ən çox satılan 1996-1997-ci il (18,7 faiz) buraxılışlı avtomobillər olub. İkinci yerdə 1998-99-cü ildə istehsal ounan avtomobillər (16,7 faiz), üçüncü yerdə isə 2000-2001-ci ildə istismara buraxılan avtomobillər (14,3 faiz) olub. Aprel ayında ən az satılan 1990-91-ci il avtomobilləri (3,7 faiz) olub.
Təşkilatın hesablamalarına görə, avtomobil bazarından tədricən köhnə avtomobillər çıxarılır və çox güman ki, yaxın vaxtlarda bazarda 1990-ci ilədək istehsal olunan avtomobillərə rast gəlinməyəcək.
Bakıda "off-road" maşınlarına üstünlük verən insanların da sayı artıb.
Bu maşınlar bazara təklif olunan avtomobillərin 22 faizini təşkil edib. Bazarda "hatchback", "universal" və "kupe" tipli maşınlara tələbat artıb.
Müəlliflə əlaqə ünvanı : [email protected]