Azərbaycan, Bakı, 23 may / Trend , müxbir S.Babayeva/ Bu gün Azərbaycanda aqrar sahədə mütəxəssislərin, xüsusilə baytar, zootexnik, aqronom, mexanizator, bitkilərin mühafizəsi üzrə mütəxəssislərin çatışmazlığı müşahidə olunur. Bu haqda kənd təsərrüfatı naziri İsmət Abbasov cümə günü bildirib.
Hazırda aqrar sahə üzrə mütəxəssisləri bir neçə ay əvvəl dövlət başçısının sərəncamı ilə Kənd Təsərrüfatı Nazirliyinin balansına keçən yeganə ali təhsil müəssisəsi, Gəncə Kənd Təsərrüfatı Akademiyası hazırlayır.
Abbasov qeyd edib ki, gənclər tərəfindən bu sahəyə maraq yoxdur, bu isə heç də əhəmiyyətsiz amil deyil.
Bu vəziyyət Kənd Təsərrüfatı Nazirliyinin elmi-tədqiqat institutlarında da (ETİ) müşahidə olunur. Burada da mütəxəssis çatışmazlığı müşahidə olunur.
"Biz təkliflər hazırlamışıq və fikrimizcə, gələn il dövlət büdcəsindən bu məqsədlərə daha çox vəsait ayrılacaq. Biz kifayət qədər vəsaitə malik olduğumuz halda ölkədə ərzaq təhlükəsizliyinə müvəffəq olmaq istəyirik, lakin mütəxəssis olmadığından çətinliklərlə üzləşə bilərik", - nazir bildirib.
Dövlət idarəsinin başçısı hesab edir ki, ilk növbədə sözügedən müəssisələr müasirləşdirilməlidir və bu məqsədlə Təhsil, İqtisadi İnkişaf, Maliyyə nazirliklərilə birgə müvafiq müzakirələr aparılır.
"Əminəm ki, birlikdə Akademiyanın, o cümlədən ETİ-nin müasirləşdirilməsinə nail olacağıq", - nazir əlavə edib.
Müəlliflə əlaqə saxlamaq üçün elektron ünvan: [email protected]
