Azərbaycan, Bakı, 02 iyun/ Trend / "Palmali" Şirkətlər Qrupu yeni RST22 layihəli ikinci tankeri alıb. Bu barədə "Dəniz və neft-qaz layihələri" (DNQL) Şirkətlər Qrupunun bazar ertəsi yayılan məlumatında deyilir. Gəminin tikintisi DNQL-in tərkibinə daxil olan "Krasnoe Sormovo" zavodunda həyata keçirilib. Tankerə "Nəsibə Zeynalova" adı verilib.
Müqavilə ilə on ərzaqdaşıyan-kimyadaşıyanın tikintisi nəzərdə tutulub. Birinci beş gəmi üçün müqavilə 2007-ci ilin fevralında imzalanıb. 2007-ci ilin dekabrında opsionda olan daha beş tanker üçün müqavilə bağlanılıb. Birinci "Kura River" tankeri cari ilin martında suya buraxılıb.
Gəmilərin "Volqa-Don maks" sinifli tankerlərə aiddirlər və gücləndirilmiş dəniz funksiyası, dəniz şəraitində artırılmış dedveyt və çayda eyni imkanların saxlanılması ilə artırılmış yük tankları tutumludur. "Yeni Armada" tipli gəmilərə "Eko Layihə" sinifli əlavə nişan verilib, bu gəmiyə qəza hallarında çirklənmənin aradan qaldırılması üzrə əlavə tələblər tətbiq edilib. Ekoloji təhlükəsiz gəmilər yük sahibləri, dəniz administrasiyası, liman hökumətinin böyük etibarına malikdirlər.
Gəminin uzunluğu - 139,95 m, eni - 16,60 m, bortunun hündürlüyü - 6,0 m, dənizdə dedveyti - suyabatma 4,60 m olmaqla, təqribən 7000 ton, çayda suyabatma 3,60 m olmaqla, 4700 tondur.
Dəniz və Neft-qaqz layihələri Şirkətlər Qrupu (DNQL Qrupu) gəmiqayırma və dəniz qazma platformalarının injinirinqi sahələrində layihələrin idarə edilməsini həyata keçirən şirkətdir. Qrupa Krasnoe Sormovo zavodu (Nijni Novqorod), Volqoqrad gəmiqayırma zavodu, həmçinin, Sormovo maşınqayırma zavodu (Nijni Novqorod) və Volqoqrad xüsusi maşınqayırma zavodu daxildir.
